"Propozimi për statusin e ardhshëm të Kosovës mund të shtyhet nëse Serbia mban zgjedhje të parakohëshme këtë vit", ka deklaruar zëvendësi i të dërguarit të posaqëm të Kombeve të Bashkuara për statusin e Kosovës, Albert Rohan. Siç njofton Associated Press, Rohan ka thënë se "nëse Serbia i mban zgjedhjet para fundit të këtij viti, atëherë kompletimi i çështjes së statusit të Kosovës mund të shtyhet deri në shkurt apo mars të vitit 2007".
