Sot në Luksemburg filloi takimi dyditësh i ministrave të jashtëm të vendeve të Bashkimit Evropian, në të cilin, pos çështjeve të tjera, pritet që të diskutohet edhe për Kosovën. Është paralajmëruar se në këtë takim do të miratohet një dokument për Kosovën, në të cilin nuk definohet afati kohor për zgjidhjen e statusit. Siç informon korrespondenti i Radios Evropa e Lirë në Luksemburg ka arritur edhe i dërguari i Kombeve të Bashkuara për statusin e Kosovës, Martti Ahtisaari.
