Kryeministri izraelit, Ehud Olmert ka arritur në Shtetet e Bashkuara, ku do të takohet me zyrtarët më të lartë amerikanë për të diskutuar për situatën në Irak, në Iran dhe në përgjithësi, në Lindjen e Mesme. Për nesër është paraparë edhe takimi i tij me presidentin, George Bush. Zoti Olmert, gjatë udhëtimit, u ka thënë reporterëve se Irani duhet të frikësohet për pasoja për shkak se nuk po i respekton kërkesat ndërkombëtare lidhur me programin e tij bërthamor.
