Presidenti i Shteteve të Bashkuara George Bush tha se aleatët e NATO-s duhet të japin më shumë trupa për të qenë të suksesshëm në Afganistan. "Ne do ta diskutojmë vendosjen më të madhe të forcave në Afganistan, që në partneritet me forcat afgane t'i mundim talibanët dhe ta forcojmë demokracinë e re atje. Për të patur sukses në Afganistan, aleatët e NATO-s duhet të japin forca aq sa kërkojnë komandantët e ushtrisë", tha Bush, i cili pasdite mbërriti në Riga të Letonisë, ku do të marrë pjesë në samitin e NATO-s.
