Përfaqësues të policisë britanike kanë arritur në Moskë, në kuadër të hetimeve të gjëra lidhur me vrasjen me helmim të ish spiunit rus, Aleksandar Litvinenko. Ai vdiq, muajin e kaluar, pasi i ishte ekspozuar elementit të rrallë radioaktiv, polonium 210. Sekretari i brendshëm britanik, John Reid është shprehur i befasuar me komentet e ministrit të jashtëm rus, Sergei Lavrov, i cili tërhoqi vërejtjen se sugjerimi se Rusia në ndonjë mënyrë ishte e përfshirë në vrasje, do të mund ti dëmtonte raportet me Britaninë.
