Lidhur me gjendjen shëndetësore të biznesmenit rus, Dmitry Kovtun, njëra nga figurat kyçe në hetimet lidhur me helmimin e ish agjentit rus, Aleksandar Litvinenko, sot ka pasur raporte kundërthënëse. Siç ka raportuar agjencia ruse, Interfaks, gjendja e tij shëndetësore ishte përkeqësuar pasi ishte marrë në pyetje nga hetuesit rusë dhe detektivët e Skoland Jardit. Por, agjencitë perëndimore të lajmeve kanë transmetuar fjalët e një avokati, se gjendja shëndetësore e zotit Kovtun është e mire dhe se raportet për gjendjen e tij kritike janë të gabuara.
