Ndërlidhjet

logo-print

BAGDAD


Ushtria e Shteteve të Bashkuara njoftoi se tre ushtarë amerikanë janë vrarë në dy sulme të ndara në afërsi të Bagdadit. Poashtu u njoftua për vrasjen e 20 militantëve të Al-Kaidës, përfshi dy gra, gjatë sulmeve ajrore në krahinën Salahadin, mirëpo agjencitë e lajmeve njoftojnë se së paku 7 gra dhe 8 fëmijë janë vrarë në këto sulme.
Në zhvillime të tjera, një nga komandantët e lartë të ushtrisë amerikane në Irak, gjenerali Peter Kuhrell duke folur për zhvillimet e fundit në Irak, tha se shumica e trupave luftarake në Irak duhet të tërhiqen në fillim të vitit 2008, nëse irakienët arrijnë pajtim mes veti.
"Situata nuk mund të zgjidhet vetëm me mjete ushtarake. E di se është situatë jo e qetë për shumicën e njerëzve, por megjithatë, ka nevojë që të gjithë së bashku të angazhohen drejt zgjidhjes së këtij konflikti, me të gjitha përpjekjet si në qeveri, zhvillime ekonomike dhe tranzicion", tha gjenerali Kuhrell.
XS
SM
MD
LG