Gjermania planifikon që në gjysmën e parë të vitit 2007 ta ndjekë procesin e përcaktimit të statusit duke i ndihmuar Kosovës, por edhe të sigurojë që Serbia dhe rajoni të vazhdojnë zhvillimin demokratik, tha kancelarja Angela Merkel. Merkel ka paralajmëruar se kur është në pyetje çështja e zgjidhjes së statusit të Kosovës dhe gjendja në Ballkan, kujdes i veçantë do t'i kushtohet "bashkëpunimit të suksesshëm të BE-së dhe NATO-s". Merkel theksoi se në periudhën e ardhshme Evropa duhet të tregojë se është e aftë të marrë përsipër përgjegjësitë në Ballkan.
