Liderët shqiptarë në Luginën e Preshevës kanë refuzuar mbrëmë ftesën e autoriteteve në Beograd që të përfshihen në qendrën qeveritare për këtë rajon. Siç informon agjencia DPA, Orhan Rexhepi nga Lëvizja për Progres Demokratik, ka thënë se bashkëpunimi në kuadër të kësaj qendre "nuk është në interes të shqiptarëve në rajon". Në Luginën e Preshevës, gjatë ditëve të fundit, shqiptarët kanë protestuar në mënyrë masive për shkak të vrasjes së të riut 16 vjeçar, Dashnim Hajrullahu nga rojat kufitare të Serbisë.
