Një helikopter që barte ushtarë amerikanë është rrëzuar në pjesën perendimore të Irakut, në afërsi të qytetit Rutbah. Ushtria amerikane nuk ka dhënë numrin e saktë të viktimave. Agjencitë e lajmeve njoftojnë për rreth 30 të vdekur. Nga zvillimet tjera në Irak vecojmë edhe vrasjen e së paku shtatë personave nga shpërthimi i dy makinave – bombë në qytetin Kirkuk, në afërsi të një stacioni policor dhe një tregu ushqimesh. Në një tjetër sulm të ngjashëm pranë Bagdadit janë plagosur katër ushtarë amerikanë.