Liderët nga tetë vende të Evropës Qendrore dhe Lindore do të takohen nesër në Sofje të Bullgarisë në përpjekje për ta luftuar analfabetizmin, papunësinë dhe izolimin në rritje ndër pjesëtarët e komunitetit rom. Ky takim, që mbahet nën moton "Dekada e përfshirjes së Romëve", paraqet përpjekjen e parë ndërkombëtare për ta ndryshuar jetën e romëve, shumica e të cilëve jetojnë në varfëri të madhe në qendër të Evropës, ka kumtuar mbrëmë vonë Banka Botërore, që është sponsore e këtij takimi.