Parlamenti i Gjermanisë diskutoi rreth rregulloreve aktuale për vizat, që sipas opozitës, po favorizojnë hyrjen në Gjermani të kriminelëve dhe femrave të detyruara për prostitucion. Opozita konservative vlerësoi se në vendet e Evropës Lindore, sidomos në Ukrainë, janë dhënë viza pa kontroll të mirëfilltë. Ministri i jashtëm Joschka Fisher, pranoi përgjegjësinë politike dhe ai pritet të dëshmojë para komitetetit përkatës parlamentar, gjatë muajve të ardhshëm.
