Një organizatë humanitare ndërkombëtare tha se ekziston frika se mbi 1000 fëmijë kanë vdekur gjatë dy javëve të fundit, nga dimri i ashpër në Afganistan. Të dhënat u publikuan vetëm një ditë pasi drejtuesit e organizatës: "Shërbimet lehtësuese katolike" vizituan disa nga fshatrat e dëmtuara nga moti i ligë. Sipas ministrisë së shëndetësisë, gjatë muajit të fundit në Afganistan kanë humbur jetën rreth 270 persona, nga dimri i ashpër.
