Ambasadori i Shteteve të Bashkuara të Amerikës në Irak, John Negroponte kërkoi ndihmën e anëtarëve të OKB-së për Irakun. Ai tha se zgjedhjet e 30 janarit në Irak paraqesin mundësi që shtetet tjera të mendojnë se si mund të ndihmojnë një demokraci të brishtë. Ditë më parë Negroponte u caktua nga presidenti amerikan George Bush në postin e drejtorit të shërbimit kombëtar informativ, mirëpo emërimi i tij duhet të miratohet edhe nga senati.
