Presidenti i Autoritetit Palestinez, Mahmoud Abbaz u angazhua për krijimin e shtetësisë palestineze sa më parë që të jetë e mundur. Këtë koment ai e bëri gjatë takimeve të sotme në Bruksel. Shefi për politikë të jashtme në Bashkimin Evropian, Havier Solana ndërkaq, tha se sa më parë që të krijohet shteti palestinez, aq më mirë do të jetë. Bashkimi Evropian pritet të ketë rol udhëheqës në bashkërendimin e ndihmës ndërkombëtare për reformat e institucioneve palestineze.
