Ndihmat ushqimore të Programit Botëror për Ushqim të Kombeve të Bashkuara, për Korenë Veriore do të shënojnë rënie serioze, tha drejtori rajonal për Azi, Tony Banbury, në Pekin. Ai tha se organizata përballet me zgjedhjen ndërmjet furnizimit me ushqim të fëmijëve, apo të moshuarve të uritur, në Korenë Veriore. Fondi përpiqet të ndihmojë 6.5 milionë njerëz në Korenë Veriore, kurse vlera e nevojshme është rreth 200 milionë dollarë.
