Ushtria amerikane vendosi të mos ndjek penalisht 17 ushtarët amerikanë të përfshirë në vdekjen e tre të burgosurve në Irak dhe Afganistan. Hetuesit ushtarakë propozuan që ushtarët të dalin në gjyq me akuzat për deklarata të rrejshme dhe vrasje. Por, zyrtarët e ushtrisë e refuzuan këtë rekomandim me arsyetimin se ushtarët e kanë përdorur forcën në mënyrë të ligjshme, ose pa i kuptuar plotësisht rregullat. Në disa raste tjera, u tha se nuk ka fakte të mjaftueshme për ngritjen e padive.
