Gjyqi suprem i Kosovës ia shfyqizoi dënimin dhe e liroi nga burgu ish pjesëtarin e Shërbimit policor të Kosovës, Dejan Mihajloviq, i cili ishte i dënuar se në mesin e vitit 1999, në një fshat afër Vushtrrisë, kishte vrarë tre dhe plagosur dy shqiptarë. Në fund të vitit të kaluar, Dejan Mihajloviq ishte dënuar me 15 vjet burgim. Ai ishte arrestuar më 12 janar të vitit të kaluar. Është bërë e ditur se ai është liruar nga burgimi por kundër tij do të bëhet një proces i ri në gjyqin e Mitrovicës.
