Ministri i jashtëm gjerman Joschka Fischer dëshmoi sot para një Komisioni parlamentar që heton dyshimet për qindra mijëra viza të lëshuara pa dokumentacionin e nevojshëm. Nën Programin e liberalizimit të vizave, në vitin 2000, ambasadat gjermane në Ukrainë, Rusi, Shqipëri dhe vende tjera, u kanë lëshuar viza njerzve që më përpara u është ndaluar hyrja në Gjermani. Fischer ka thënë se nuk ka "asgjë për të fshehur", dhe sipas tij, pretendimet se vendin e kanë vërshuar kriminelët janë një "teori propagandistike" e opozitës.
