Njëra nga merimangat më vdekjeprurëse në botë, nga kafshimi i së cilës në fillim të këtij muaji ka vdekur një kuzhinier, është nxjerrë gabimisht nga një spital britanik. Zëdhënësi i spitalit në Somerset, tha se merimanga braziliane është lënë e lirë nga një punëtor i cili nuk ka ditur se ajo është vrasëse potenciale. Merimanga, e gjatë 13 centimetra dhe që njihet për shpejtësi dhe agresivitet, mendohet të ketë ardhur në Angli, në një kuti bananesh.
