Pakti i Stabilitetit për Evropën Juglindore po përpiqet ta ndihmojë Kosovën në arritjen e Marrëveshjeve për Tregti të Lirë me Maqedoninë, Bosnjë-Hercegovinën dhe Bullgarinë, tha sot në Prishtinë, koordinatori i Paktit, Erhard Busek. Pas takimit me ministrin e tregtisë dhe industrisë, Bujar Dugollin, Busek njoftoi për themelimin e një Komisioni të ri i cili do t'i ndihmojë kompanitë kosovare në veprimtarinë e tyre afariste, sidomos në privatizim.
