Një Komision i posaçëm i mandatuar nga Kongresi amerikan ka vlerësuar pozitivisht planet e Pentagonit për të rivendosur trupat dhe bazat ushtarake në Evropë, po ka tërhequr vëmendjen se lëvizja e shpejtë do të mund të krijonte probleme në kapacitetet vepruese. Sipas këtij komisioni në Evropë "duhet të qëndrojë një brigadë me armatim të rëndë për të demonstruar angazhimin ndaj NATO-s, vendosmërinë tonë në Kosovë dhe pjesë të tjera të Ballkanit si dhe të planifikojë me rrotacion praninë e njësive në Evropën Lindore, si masë ndaj pasigurive të së ardhmes".
