Ndërlidhjet

logo-print

BRUKSEL


"Kosova pas Haradinajt", është titulli i raportit për Kosovën publikuar sot nga Grupi Ndërkombetar i Krizave. Raporti i Grupit Ndërkombëtar të Krizave është tepër kritik ndaj partive politike në Kosovë, që siç thuhet në të, me qendrimet dhe luftën me njëra-tjetrën, rrezikojnë të dëmtojnë proçesin e pritshëm për statusin përfundimtar. Sipas këtij raporti mosbesimi ndaj njëra-tjetrës mes dy partive kryesore, LDK-së dhe PDK-së, po i pengon forcat kryesore politike të arrijnë një konsensus për bisedimet rreth statusit përfundimtar. Raporti thekson se megjithëse bashkësia ndërkombëtare po fillon të lëvizë drejt një forme pavarësie për Kosovën, shkallëzimi i konfliktit të brendshëm politik dhe vrasja e vëllait të ish-kryeministrit Haradinaj tregojnë se rreziqet për paqëndrueshmëri janë serioze. Aftësia ose paaftësia e partive në Kosovë për të bashkëpunuar gjatë muajve të ardhshëm, do të ketë pasoja për aftësinë e Kosovës për të funksionuar si shtet në të ardhmen. GNK-ja thekson në raportin e publikuar sot se ekziston mundësia reale e fraksionalizimit të politikës dhe shoqërisë, ashtu siç ka ndodhur në Shqipëri. Në mesin e rekomandimeve për partitë politike shqiptare kërkohet që presidenti Rugova të lejojë që të intervistohet nga policia lidhur me sulmin kundër tij, derisa ngadrejtuesit e PDK-së, Hashim Thaçi dhe Jakup Krasniqi, kërkojnë që të ofrojnë prova konkrete dhe dëshmitarë për akuzat ndaj qeverisë. Nga PDK-ja kërkohet q ëtë pranojë se ka humbur zgjedhjet e 2004 dhe të punojë për të zgjeruar mbështetjen nëtë ardhmen. Raporti kërkon nga Gjykata e Hagës lirimin me kusht të ish-kryeministrit Haradinaj dhe t'i lejohet bërja e deklaratave konstruktive që i ndihmojnë paqes e stabilitetit, siç ndodhi në rastin e vrasjes së të vëllait. Nga UNMIK-u dhe shoqëria kosovare kërkon ndërmarrjen e nismave për të shuar tensionet e së shkuarës mes mbështetësve të FARK-ut dhe UÇK-së, veçanërisht në rajonin e Dukagjinit, në mënyrë që të gjithë të përqëndrohen tek debati mbi statusin përfundimtar.
PRISHTINË
Kryetari i Partisë Demokratike, Hashim Thaçi tha se kabineti i qeverisjes së mirë është alternativë e qeverisjes së keqe. Ai tha se ky kabinet nuk ka për qëllim paralelizmin me Qeverinë e Kosovës, por do ta sfidojë atë me projekte konkrete në fusha të caktuara. Duke shpallur përbërjen e kabinetit, Thaçi tha se kjo ndërmarrje e Partisë Demokratike synon “reforma në jetën institucionale dhe në ekonomi”. "Bazë e konceptit të këtij kabineti është programi i Partisë Demokratike dhe vizioni i saj për shtet të pavarur e sovran,
pa asnjë kushtëzim", tha Thaçi. Sipas tij, në përbërjen e kabinetit të qeverisjes së mirë ka politikanë, ekspertë të fushave të caktuara dhe përfaqësues të shoqërisë civile. Kabineti ka 14 departamente dhe në krye të tij është vetë zoti Thaçi.
XS
SM
MD
LG