Zëdhënësi i Natos, Frederic Feuillatre tha sot se një predhë ka goditur selinë e forcave të aleancës në Kabul. Sipas tij, ky incident, që ndodhi mbrëmë vonë, kaloi pa viktima. Kjo ishte predha e tretë e hedhur në Kabul gjatë dy javëve të kaluara. Një kishte goditur spitalin e qytetit ndërsa tjetra nuk kishte shpërthyer. Gjatë këtyre incidenteve poashtu nuk kishte viktima. Selia e Natos në Kabul është në afërsi të ambasadës së Shteteve të Bashkuara dhe të misioneve të tjera diplomatike në Kabul. Askush nuk ka marrë përgjegjësi për këtë sulm.