Presidenti i përkohshëm i Kirgizisë, Kurmanbek Bakiyev, tha se Bishkeku ka miratuar një numër të rekomandimeve të OSBE-së për zgjedhjet presidenciale. "Siç e dini, Zyra e OSBE-së për Institucione Demokratike dhe të Drejta të Njeriut, ka përgatitur një varg rekomandimesh për Komisionin Qendror të Zgjedhjeve. Ne i kemi miratuar shumicën prej tyre", tha Bakiyev, në sesionin e Këshillit të Përhershëm të OSBE-së në Vjenë.
