"Referendumet për Kushtetutën e Bashkimit Evropian në Francë dhe Holandë, ishin sinjale se udhëheqja politike duhet të ofrojë lidership më të mirë dhe më të qartë në çështjet e mëdha me të cilat përballet Evropa", deklaroi kryeministri i Britanisë, Tony Blair. "Besoj se Kushtetuta përfaqëson një mënyrë të përsosur që Evropa të ecë përpara, edhe pse dy vende thanë JO. Mirëpo, derisa ky pozicion të mos sqarohet, nuk mund të vazhdohet më tej me procesin e ratifikimit, prandaj për momentin ne nuk do të vazhdojmë me referendumin tonë", tha Blair, në Parlamentin britanik.
