KABUL

Të paktën 6 afganë dhe 2 ushtarë gjermanë janë vrarë në një shpërthim në verilindje të Afganistanit.
Guvernatori i provincës Kunduz, Muhammad Omar, tha se shpërthimi ka ndodhur dje në rajonin fqinj Takhar, derisa një komandant afgan e dorëzoi një kuti me municion.
Ushtria gjermane ende nuk e ka konfirmuar incidentin. Mbledhja dhe shkatërrimi i armëve është një nga detyrat e ushtarëve gjermanë në Afganistan.