Në Besllan edhe sot janë përkujtuar 331 viktimat, shumica fëmijë, të dramës së pengjeve që ndodhi në Osetinë Veriore një vit më parë. 331 tollumbace të bardha u lëshuan në kujtim të viktimave dhe një minutë heshtje u mbajt në kohën që përkonte me shpërthimin e parë në ndërtesën e shkollës. Familjarët e viktimave akuzojnë autoritetet ruse për qasjen e gabuar ndaj situatës dhe aksionet e trupave ruse përgjegjëse për numrin e madh të viktimave.
