Autoritetet në Kosovë kanë konfiskuar më shumë se 500 mijë pako cigaresh të kontrabanduara, ka njoftuar zëdhënësja e UNMIK-ut Mechthild Henneke. Zyrtarët e doganave gjetën cigaret Marlboro dhe Marlboro Light të fshehura në kompjuterë, në një mjet transportues nga Maqedonia, javën e kaluar. Cigaret janë eksportuar nga Dubai dhe ishin të destinuara për tregun kosovar. Ato besohet se janë falso, të prodhuara në një fabrikë ilegale në Kinë, ka thënë Henneke.