Diplomatët e Bashkimit Evropian sot kanë fajësuar Qipron për shtyrjen e miratimit final të deklaratës për fillimin e bisedimeve për anëtarësim me Turqinë, të parapara për 3 tetor. Është raportuar se Qiproja kishte dhënë vërejtje pothuajse në çastet e fundit të takimit, në të cilin ambasadorët e BE-së po e finalizonin deklaratën. Presidenca britanike e BE-së ka thënë se bisedat do të vazhdojnë edhe nesër.
