Një njësit me 70 ushtarë shqiptarë u nis sot për në Bosnjë, ka kumtuar ministria e mbrojtjes e Shqipërisë. Ky njësit, për gjashtë muaj, do të shërbejë nën komandën gjermane. Ministri i mbrojtjes, Fatmir Mediu tha se "ky mision është kontribut i drejtëpërdrejtë i përkushtimeve ndërkombëtare" të Shqipërisë. 120 ushtarë të Shqipërisë ndodhen në Irak, ndërsa një kontigjent i vogël merr pjesë në misionin paqeruajtës ndërkombëtar në Afganistan.
