Policia e Kosovës dhe pjesëtarët e Kforit mbrëmë vonë kanë gjetur dhe kanë neutralizuar një pajisje shpërthyese që ishte e vendosur nën një automjet të Unmikut para Ministrisë së Kulturës së Kosovës në Prishtinë, ka kumtuar policia. Policia kishte evakuuar ndërtesat përreth dhe kishte bllokuar atë sipërfaqe për disa orë, derisa njësiti për çminim i Kforit e kishte larguar këtë pajisje.
