Nga shpërthimet e sotme me bomba në Bali të Indonezisë u vranë së paku 25 persona, përfshirë këtu edhe turistë të jashtëm dhe janë plagosur mbi 100 vetë, raportojnë agjencitë e lajmeve duke u mbështetur në burime spitalore. Presidenti i Indonezisë, Susilo Bambang Yudhoyono ka thënë se për këto sulme duhet të fajësohen terroristët. Ai premtoi zënien dhe sjelljen e tyre para drejtësisë.
