Presidenti i Shqipërisë, Alfred Moisiu këmbënguli sot në Zagreb se zgjidhja më e mirë për Kosovën është pavarësia dhe se për shumicën shqiptare në Kosovë "nuk ka kthim në të kaluarën". Këto komente zoti Moisiu i bëri në përfundim të samitit të presidentëve të vendeve të Evropës Juglindore dhe Qendrore, që u mbajt në Zagreb. "Ne jemi thellë të bindur se një zgjidhje e tillë do të siguroj paqen dhe stabilitetin si në Kosovë ashtu edhe në gjithë rajonin", tha presidenti i Shqipërisë, Alfred Moisiu.
