Komisionari evropian i shëndetësisë, Markos Kyprianou tha sot se testet kanë konfirmuar se vitrusi H5N1 i gripit të shpezëve është gjetur në Turqi dhe në Rumani. Kjo sëmundje që besohet se bartet nga shpezët shtegtare, ka shkaktuar vdekjen e më se 60 njerëzve në Azi. Koordinatori për gripin e shpezëve dhe të njerëzve në Kombet e Bashkuara, David Nabarro thotë se përhapja e gripit të shpezëve nga Azia në Evropë do të thotë se ka gjasë që kjo sëmundje të shndërrohet në formën që mund të transmetohet nga njeriu në njeri.
