BUKURESHT

Autoritetet rumune e turke, të cilat tashmë kanë bërë publike se disa rajone të këtyre vendeve janë prekur nga virusi i gripit të shpendëve, po vrasin sasi të mëdha zogjsh në zonat përreth fshatrave ku u gjet virusi.
Autoritetet turke kanë tërhequr vëmendjen se zogjtë shtegtarë mund ta transmetojnë virusin në pjesë të tjera të botës.
Rumania nga ana e saj ka marrë përsipër të ketë një qasje rajonale të problemit duke përfshirë në masat e marra Moldavinë dhe po bëhen përpjekje që të bashkërendohen aksionet dhe me Ukrainën fqinje.