Zëdhënësi i UNMIK-ut, Niraj Singh, ka deklaruar se organizata botërore po shkurton misionin e saj në Kosovë. Së fundi Kombet e Bashkuara kanë hartuar disa projekt-plane për kalimin e përgjegjësive tek vendorët, derisa shpreson që një pjesë të përgjegjësive t'ia kalojë një misioni të mundshëm të Bashkimit Evropian në të ardhmen, pas bisedimeve për statusin e Kosovës.
