Bashkimi Evropian ka zgjeruar vendimin për moslejimin e importit të shpendëve thuajse nga i gjithë territori i Rusisë. Vendimi i mëparshëm parashihte ndalimin e importit nga disa pjesë të Rusisë, derisa vendimi i ri u morr me zbulimin e rasteve të gripit të shpendëve dhe në pjesën evropiane të Rusisë. Ky hap vjen derisa Rusia po asgjeson shpendët në zonat e prekura nga virusi H5N1.
