Trupi i pajetë i avokatit mbrojtës të njërit nga bashkëpunëtorët e ish liderit irakian Saddam Hussein, u gjet sot, në një xhami në Bagdad. Saddoun al – Janabi ishte rrëmbyer mbrëmë nga 10 persona të armatosur. Askush deri tani nuk e ka marrë përgjegjësinë për rastin. Qeveria e Irakut e dënoi këtë vrasje dhe tha se do të shtojë masat mbrojtëse për avokatët në procesin ndaj Saddam Husseinit.
