Gjatë trazirave të vitit të kaluar në Kosovë, sistemi i drejtësisë nuk ia doli të përgjigjet në mënyrë të fuqishme për ti dekurajuar njerëzit nga dhuna e ardhshme, thuhet pos tjerash në një raport të Organizatës për Siguri dhe Bashkëpunim në Evropë, që u publikua sot. Lidhur me këto trazira, deri tash vetëm 426 vetë janë ballafaquar me akuza penale. Prej tyre 209 vetë janë dënuar, 110 po presin gjykimet, 12 persona janë liruar, ndërsa 95 raste janë tërhequr, thuhet në raportin e OSBE-së.
