Liderët evropianë kanë thënë se deklaratat e presidentit të Iranit për Izraelin dhe për Holokaustin mund të jenë arsye për sanksione kundër Teheranit. Në propozim tekstin, që pritet të miratohet në samitin e liderëve të BE-së, thuhet se komentet aktuale të presidentit Ahmadinejad, në të cilat ai e përshkruan Holokaustin si "mit" dhe ftesa e tij që Izraeli të "fshihet nga harta" janë "krejtësisht të papranueshme". Ministri i brendshëm i Iranit ka thënë sot se komentet e presidentit Ahmadinejad për Izraelin dhe për Holokaustin janë "keqkuptuar".
