Shtetet e Bashkuara të Amerikës do të jenë bashkë me popullin e Kosovës në proçesin e përcaktimit të statusit të saj përfundimtar- ka thënë sot në Prishtinë shefi i zyrës amerikane, Philip Goldberg. Ai i bëri këto komente pas një takimi me kryetarin e Kuvendit të Kosovës Nexhat Daci, me ç'rast u tha se viti 2005 mund të llogaritet i suksesshëm për shkak se kanë nisur bisedimet për statusin e Kosovës.
