Tre ushtarë amerikanë janë vrarë sot në një shpërthim afër qytetit Kirkuk në Irak. Zëdhënësi ushtarak i Shteteve të Bashkuara tha se "ushtarët amerikanë u vranë kur një mjet shpërthyes, goditi automjetin e tyre në rrugën Tikrit-Kirkuk. Disa orë më parë në qytetin Mosul, në veri të Irakut, një automjet me bombë shpërtheu para stacionit policor. Numri i viktimave civile në këtë shpërthim është 9 të vrarë dhe rreth 50 të plagosur.
