Nga një shpërthim i një makine – bombë, sot, jashtë stacionit të policisë në Mosul të Irakut, u vranë së paku 9 persona dhe u plagosën afro 40 të tjerë, ka kumtuar policia e Irakut. Agjencitë e lajmeve raportojnë se nga një shpërthim tjetër afër qytetit Kirkuk në Irak, kanë vdekur tre ushtarë amerikanë. Sipas një zëdhënësi ushtarak amerikan, incidenti ka ndodhur kur një pajisje e imporvizuar shpërthyese goditi makinën e ushtarëve, që udhëtonin ndërmjet Kirkukut e Tikritit.
