Partitë e opozitës në Shqipëri, do të dalin sot me një platformë të përbashkët në kuadër të lëvizjes "Nano ik". Kryetari i Partisë Demokratike Sali Berisha ka deklaruar se "platforma, që do të përgatitet sot nga partitë e opozitës, do të ketë si qëllim zgjidhjen e problemeve imediate në vend". Në tryezën e sotme do të jetë në fokus edhe mënyra e zhvillimit të protestës së ditës së shtunë, për të porositur më tej bazën, se tubimi do të jetë mëse paqësor.
