Ministria e Mbrojtjes e Shqipërisë ka bërë të ditur se, Shqipëria dhe Shtetet e Bashkuara do të mbajnë ushtrime të përbashkëta ushtarake në kuadër të përpjekjeve të forcimit të bashkëpunimit të të dy vendeve. Zëdhënësja e kësaj ministrie Mariana Zegali ka bërë të ditur se "në këto ushtrime do të përfshihen marinsat, forcat ajrore dhe ato të këmbësorisë". Ushtrimet kanë filluar sot dhe do të zgjasin deri më 12 mars.
