Ombudspersoni i Kosovës, Marek Antoni Novicki ka ftuar palën shqiptare dhe serbe që menjëherë ta ndalin dhunën në mënyrë që të mos përshkallëzohen përleshjet në Kosovë. Zoti Novicki ka shprehur "keqardhje dhe shqetësim për zhvillimet e fundit në Mitrovicë dhe në pjesët e tjera të Kosovës". Ai u ka shprehur ngushëllime familjeve të të vrarëve në përleshjet e sotme dhe ka thënë se "shpreson se përgjegjësit për këtë gjakderdhje do të zbulohen dhe do të dalin para drejtësisë".
