Ligjvënësit e Serbisë kanë miratuar një deklaratë në të cilën Kosova quhet pjesë e pandashme e Serbisë dhe kanë tërhequr vërejtjen kundër ndryshimit të kufijve me rastin e vendimit për statusit përfundimtar të Kosovës. deklarata, gjithashtu fton Kombet e Bashkuara të rimendojnë dhe të rishqyrtojnë politikën e tyre në Kosovë, pas dhunës së fundit. Deklarata e miratuar sot njëzërin në Kuvendin e Serbisë thotë se duhet të jepen garanci të reja institucionale për statusin e serbëve në Kosovë dhe të drejtat e tyre duhet të mbrohen më mirë. Në anën tjetër, zyrtarë të UNMI-ut dhe përfaqësues të institucioneve të Kosovës kanë thënë se dokumenti i miratuar në Kuvendin e Serbisë është i pavlefshëm për Kosovën dhe nuk është asgjë tjetër, pos përpjekje për ndarjen e Kosovës.
