Rezultatet e para jozyrtare të zgjedhjeve të sotme parlamentare të Gjorgjisë tregojnë se partia e presidentit aktual, Mikheil Saakashvili ka fituar zgjedhjet me 79 për qind të votave. Në këtë mënyrë, partia e Saakashvilit dhe aleatët e tij mund të marrin të 150 vendet në parlamentin gjorgjian. Mirëpo, shefi i komisionit qendror të zgjedhjeve, Chiaberashvili ka thënë se parregullsitë kanë qenë aq të mëdha në provincën Ajara, sa mund të ndikojnë në rezultatet e zgjedhjeve në gjithë vendin.
