Shtetet e Bashkuara të Amerikës kanë liruar edhe 15 të burgosur nga baza ushtarake amerikane në Guantanamo të Kubës. Zyrtarët e mbrojtjes thanë se të liruarit janë nga Afganistani, Iraku, Turqia, Taxhikistani, Sudani, Jordan dhe Jemeni. Departamenti i mbrojtjes ka thënë se deri më tash janë liruar 134 persona të ndaluar, ndërsa 595 të tjerë po vazhdojnë të mbahen në Guantanamo. Vetëm dy prej tyre deri më tash janë ngarkuar me akuza.
